وزیر تعلیم سندھ سید سردار علی شاہ نے کہا ہے کہ ایم کیو ایم سربراہ خالد مقبول کی سوچ اسرائیلی وزیراعظم نیتن یاہو جیسی ہے، جبکہ ہم نے ہمیشہ تشدد کے خاتمے کی بات کی ہے۔
انہوں نے کہا کہ اگر خالد مقبول صدیقی جیسے رہنما اسی طرزِ فکر کو جاری رکھتے ہیں تو یہ انتہاپسندی کی مثال ہے۔ ان کا کہنا تھا کہ اگر خالد مقبول تشدد کی بات کرتے ہیں تو انہیں نیتن یاہو کے ساتھ بیٹھنا چاہیے۔
حکومت سندھ کی جانب سے منعقدہ اسٹریٹجک پلاننگ ورکشاپ سے خطاب کرتے ہوئے سید سردار علی شاہ نے کہا کہ علاقائی کشیدگی کے پیش نظر وفاقی سطح پر کیے جانے والے فیصلوں پر عمل کرتے ہوئے قومی یکجہتی کا مظاہرہ کیا جائے گا۔
