پاکستان کی مسلح افواج نے بھارت کی کسی بھی جارحیت کا موثر اور بھرپور جواب دینے کا فیصلہ کیا ہے آئی ایس پی آر کے مطابق کورکمانڈر کانفرنس میں خطے کی موجودہ صورتحال کا باریک بینی سے جائزہ لیا گیا۔ کورکمانڈر کانفرنس میں آرمی چیف جنرل عاصم منیر بھی شریک ہوئے اعلامئے کے مطابق پاکستانی عوام کی امنگوں کا ہر صورت احترام کیا جائے گا،بھارت کا پانی کو بطور ہتھیار استعمال کرنا انتہائی خطرنال عمل ہے کانفرنس میں آرمی چیف نے تمام محاذوں پر چوکنا رہنے اور فعال تیاریوں کی بھی ہدایت دیں اعلامئے کے مطابق اس عزم کا بھی اظہار کیا گیا کہ مسلح افواج دفاع وطن کے لئے اپنی عوام کے ساتھ کھڑی ہے ۔
ملک کی موجوہ صورتحال میں بانی پی ٹی آئی کا اہم بیان سامنے آگیا ہے ۔ بانی پی ٹی آئی عمران خان کا بیان انکی بہن علیمہ خان کی جانب سے سامنے آیا ہے میڈیا رپورٹ کے مطابق پاکستان تحریک انصاف کے بانی عمران خان کی بہن علیمہ خان کا کہنا تھاکہ بانی نے کہا ہے وکٹ کے دونوں جانب کھیلنے والوں کی پارٹی میں جگہ نہیں، پارٹی بڑی تحریک کی تیاری کرے۔
اڈیالہ جیل کے باہر میڈیا سے گفتگو میں علیمہ خان کا کہنا تھاکہ آج بانی پی ٹی آئی نےتین نکاتی پوائنٹس بھیجےہیں۔ انہوں نے بتایاکہ بانی پی ٹی آئی نےکہا کہ عام قیدی کے حقوق بھی نہیں دیے جا رہے، 8مہینوں میں صرف ایک مرتبہ بچوں سےبات کرائی گئی، میری بہنوں سےملاقات نہیں کراتے ان کا کہنا تھاکہ ہم کتابیں پہنچانےکی کوشش کرتے ہیں لیکن جیل انتظامیہ روک لیتی ہے، بانی پی ٹی آئی کا ذاتی ڈاکٹرز سےچیک اپ نہیں کرایا جا رہا۔ علیمہ خان کا کہنا تھاکہ بانی پی ٹی آئی نےکہا کہ وکٹ کے دونوں جانب کھیلنےوالوں کی پارٹی میں جگہ نہیں، وقت بدل چکا ہے۔ تحریک کے حوالے سے انہوں نے بتایاکہ بانی پی ٹی آئی نے کہا ہے پارٹی بڑی تحریک کی تیاری کرے، لوگوں کواسلام آباد نہیں بلاؤں گا، پورے پاکستان میں تحریک چلائیں گے ان کا مزید کہنا تھاکہ بانی پی ٹی آئی نے کہا ساری زندگی جیل میں رکھ لیں نہیں جھکوں گا جو بھی اس نظریے کے ساتھ نہیں اس کی پارٹی میں کوئی جگہ نہیں۔
