
اسپورٹس ڈیسک :
پاکستان اور نیوزی لینڈ کے درمیان جاری سیریز کے آخری میچ میں بھی پاکستان کو شکست کا سامنا کرنا پڑا۔ حسب روایت نیوزی لینڈ کے خلاف پاکستانی ٹیم کے ریت کی دیوار ثابت ہوئی ۔ جیمی نشام نے خطرناک اسپیل کراتے ہوئے پانچ پاکستانی بلے بازوں کو پویلین کی راہ دکھائی۔
کیویز نے پاکستان کے خلاف ٹاس جیت کر فیلڈنگ کا فیصلہ کیا، قومی ٹیم نے پہلے بیٹنگ کرتے ہوئے نو وکٹوں کے نقصان پر مقررہ بیس اوورز میں ایک سو اٹھائیس رنز اسکور کیے تھے
جواب میں کیوی بلے بازوں نے دھواں دھار بیٹنگ کرتے ہوئے 2 وکٹوں کے نقصان پر 129 رنز کا ہدف 10 اوورز میں حاصل کرلیا۔ ویلنگٹن ریجنل اسٹیڈیم میں کھیلے گئے اس میچ میں پاکستانی اوپنرز ناکام ہوگئے اور دونوں 23 رنز کے مجموعی اسکور پر پویلین لوٹ گئے۔
دھوان دھار اننگز کھیل کر دھوم مچانے والے حسن نواز کو صفر پر جب کہ محمد حارث کو 11 رنز پر پویلین واپس جانا پڑا۔ اس کے بعد عمیر بن یوسف اور عثمان خان دونوں 7,7 رنز بناکر آؤٹ ہوئے۔ عبدالصمد 4، شاداب 28، جہانداد 1، سلمان علی آغا 51 جب کہ صفیان مقیم اور محمد علی صفر ہی بناسکے۔ حارث رؤف 6 رنز بنا کر ناٹ آؤٹ رہے۔ کیویز کی جانب سے اوپنر ٹم سیفرٹ جارحانہ 38 گیندوں پر 97 رنز بناکر ناقابلِ شکست رہے، اس کے علاوہ فن ایلن 27 اور مارک چیپمین 3 رنز بناکر آؤٹ ہوئے۔ پاکستان کی جانب سے دونوں وکٹ سفیان نے حاصل کی پانچوی میچ میں شاہین شاہ آفریدی کو نہیں کھیلایاگیا تھا ۔