پاکستان آنے والی تمام غیر ملکی ائیرلائنز کو ہدایت کی گئی ہے کہ وہ واپسی کے سفر کے لیے اضافی ایندھن اپنے ساتھ لے کر آئیں۔
اس حوالے سے پاکستان ایئرپورٹس اتھارٹی نے ایندھن پالیسی سے متعلق نوٹم جاری کر دیا ہے۔
ائیرلائن ذرائع کے مطابق بدھ کے روز کراچی سے دوحہ جانے والی ایک غیر ملکی پرواز کو ایندھن کی کمی کے باعث مسقط میں لینڈنگ کرنا پڑی۔
ذرائع کا یہ بھی کہنا ہے کہ اضافی ایندھن لانے کی شرط کے باعث غیر ملکی ائیرلائنز کو بعض اوقات مسافروں کے سامان اور کارگو میں کمی کرنا پڑ رہی ہے۔
مشرق وسطیٰ میں ایرانی حملوں کے بعد امریکی فوج کو غیر معمولی حالات کا سامنا ہے، جس کے باعث اہلکار ہوٹلوں اور دفاتر سے کام کرنے پر مجبور ہو گئے ہیں۔
امریکی میڈیا کے مطابق بیشتر فوجی اب اپنے اڈوں کے بجائے ہوٹلوں اور دفاتر سے اپنی ذمہ داریاں انجام دے رہے ہیں، جبکہ کئی سرگرمیاں دور دراز سے (ریموٹ) چلائی جا رہی ہیں۔
رپورٹ کے مطابق ایرانی حملوں کی وجہ سے 13 امریکی فوجی اڈے شدید نقصان اٹھا چکے ہیں اور کچھ اڈے ناقابل استعمال ہو گئے ہیں، جن میں کویت میں موجود اڈہ سب سے زیادہ متاثر ہوا ہے۔
اخبار کے مطابق اڈوں پر اس وقت صرف پائلٹس اور ٹیکنیشنز کی محدود تعداد موجود ہے، جبکہ دیگر عملہ ریموٹ طریقے سے کام کر رہا ہے۔
