وزیراعظم شہباز شریف کل کراچی کا ایک روزہ دورہ کریں گے، جہاں وہ مختلف اہم سرکاری اور سیاسی شخصیات سے ملاقاتیں کریں گے۔
دنیا نیوز کی رپورٹ کے مطابق وزیراعظم اپنے دورے کے دوران وزیراعلیٰ سندھ اور گورنر سندھ سے بھی ملیں گے، جن کے ساتھ مختلف امور پر تبادلہ خیال کیا جائے گا۔
اس کے علاوہ وہ پاکستان پیپلز پارٹی کی سینیٹر شیری رحمان سے ملاقات کر کے ان کی صاحبزادی کے انتقال پر تعزیت بھی کریں گے۔
دورے کے دوران کراچی کی مجموعی صورتحال، جاری ترقیاتی منصوبوں اور دیگر اہم معاملات پر بھی بات چیت متوقع ہے۔
کراچی میں سونے اور چاندی کی قیمتوں میں مسلسل دوسرے روز بھی اضافہ دیکھنے میں آیا ہے، فی تولہ سونے کی قیمت 15 ہزار 200 روپے اضافے کے بعد 4 لاکھ 79 ہزار 262 روپے تک پہنچ گئی۔
10 گرام سونے کی قیمت بھی 13 ہزار 31 روپے بڑھ کر 4 لاکھ 10 ہزار 889 روپے ہو گئی۔ عالمی منڈی میں سونے کی فی اونس قیمت میں 152 ڈالر سے 4 ہزار 565 ڈالر تک جا پہنچی۔
چاندی کی قیمتوں میں بھی اضافہ دیکھنے میں آیا، فی تولہ چاندی کی قیمت 370 روپے بڑھ کر 7 ہزار 824 روپے ہو گئی۔
ماہرین کا کہنا ہے کہ عالمی منڈی میں سونے اور چاندی کی قیمتوں میں اتار چڑھاؤ کے اثرات مقامی مارکیٹ پر بھی مرتب ہوتے ہیں۔
